Die polisie se Onafhanklike Klagtedirektoraat het ʼn polisiekaptein Maandag in hegtenis geneem nadat hy ʼn vrou glo Sondagoggend verkrag het.
Die vrou het glo in die motor saam met dié 40-jarige beampte wat in Worcester in die Wes-Kaap gestasioneer is, gery. Hy het haar na sy huis geneem omdat sy glo ʼn telefoonoproep moes maak. Die 30-jarige vrou beweer hy het haar by sy huis seksueel aangerand. Die beampte het Dinsdag vlugtig in die landdroshof in Robertson verskyn en is op R1 000 borgtog vrygelaat. Hy sal in Desember in die hof verskyn, berig EWN.