“Wreedste moord in Oranjeville ooit”

Vivien Ponté. Foto: Verskaf.

Lees ook:
Vier verskyn in hof oor gru-moord in Oranjeville
Vier vas vir wrede Oranjeville-moord

Vivien Ponté (57) is Sondagaand wreed in haar huis in Oranjeville in die Vrystaat aangeval.

Ponté is aangeval, aangerand, vermoedelik verkrag, op haar bed vasgebind en verwurg waarna haar bed aan die brand gesteek is. Ferdi Steyn, wat huisvriende van Ponté was, het Dinsdag aan Maroela Media gesê die wreedheid wat hieraan gekoppel is “laat my naar, en kan ek nie glo dat ons wêreld so lelik geraak het nie”.

Volgens Steyn het Ponté se buurvrou haar Sondagmiddag omstreeks 17:00 nog gesien en was alles normaal. “Vivien is gewoonlik vroeg op. Haar tuinier het Maandag onraad vermoed toe sy nog nie wakker was toe hy daar aankom nie. Hy het ook gesien dat daar rookmerke aan die buitekant van haar slaapkamer was,” het Steyn gesê.

“Die tuinwerker het na die bure gegaan en hulp ontbied. Die polisie het op haar liggaam afgekom,” het Steyn bygevoeg.

Steyn het gesê dit is die wreedste moord wat die dorpie nog getref het. Sy pa en ma is afgetrede polisiebeamptes van die dorp. “Dit het die hele gemeenskap geruk. Daar bly baie bejaardes daar en dit was nog altyd ʼn veilige plek,” het hy gesê.

Konst. Peter Kareli, polisiewoordvoerder, het Dinsdag aan Maroela Media gesê dat niemand nog in verband met die moord in hegtenis geneem is nie. “Die polisie volg alle leidrade op en is besig met die ondersoek,” het Kareli gesê.

Kareli het die toneel as “grusaam” beskryf. “Ons vermoed die aanvaller of aanvallers het deur die voordeur toegang tot haar huis gekry en dat sy die deur van binne oopgemaak het. Daar is bloedspatsels in haar voorkamer gekry, en merke wat aandui dat sy na haar slaapkamer gesleep is. Daar was ook iets oor haar kop gegooi, so sy kon dalk versmoor het. Haar hare en kop het erg verbrand. Die res van die liggaam is nie verkool nie.”

Hy het gesê die polisie ondersoek ʼn primêre saak van moord. “Sy het glo drie selfone gehad. Al drie selfone is gesteel. Haar televisie, radio en voertuie is nie gesteel nie.”

ʼn Nadoodse ondersoek word gedoen om te bepaal hoe sy dood is, en of sy wel verkrag is. Dit is in die stadium nie bekend waarmee sy aangeval is nie.

“Die gemeenskap het regtig ʼn baie goeie vrou verloor,” het Kareli bygevoeg. “Sy was by uitreikingswerk betrokke en onder andere mense van die omgewing geleer hoe om seep te maak,” het hy gesê.

Lees ook: Vier vas vir wrede Oranjeville-moord

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Stoere Boer

Hoeveel moorde en verkragtings nog? Jy is nêrens meer veilig nie. Daar moet iets drasties in die land gebeur want alles dui daarop dat hier meer agter sit as net roof. Die wreedheid van so ‘n moord kan net deur ‘n barbaar (wit of swart) uitgevoer word. Normale mense sal dit nooit kan doen nie.

Yolande

Vivien, hierdie storie is enige vrou se grootste nagmerrie, myne ook. Ek kan net hoop en bid dat die Here jou gevoelloos gemaak het tydens die voorval. Ek weet regtig nie meer wat om te se of te dink nie, daar is elke dag ‘n storie van ‘n blanke wat vermoor is, vir basies niks, daar is nooit verdagtes nie, die polisie bly lydrade volg. So word “Uhuru” tog waar… Sterkte aan enige familie en vriende wat daar is…

Willy

Hierdie grusame moord vir drie selfone! Daar is nie ‘n beskrywing vir dié wat dit gedoen het nie!
Sterkte aan die familie en gemeenskap. Wens vir spoedige genesing.

leana

Dis verskriklik! So wreedaardig!
.Innige simpatie aan haar familie, naasbestaandes en vriende.

Mossie

Dit gaan nie oor die fone nie,dit gaan oor moor.