Zim-kiesers staan vier ure lank in die koue om te stem

Kiesers wag in die koue om te stem. Foto: JacarandaFM

Die stembusse in Zimbabwe het Woensdagoggend om 07:00 oopgemaak met sommige kiesers wat vir langer as vier ure in snerpende koue in rye begin staan het om hul kruisies te trek.

President Robert Mugabe gaan in die verkiesing poog om sy 33 jaar bewind te verleng. Daar is egter vrese dat die verkiesing nie vry en regverdig gaan wees nie.

Intussen het daar reeds klagtes by sommige van die 9 760 stempunte regoor die land ingekom dat daar probleme met die kiesersrol is, maar dié kiesers is verseker dat hulle sal kan stem as hulle ʼn strokie het. Die stempunte gaan tot 19:00 oop wees.

Altesaam 37 108 polisiebeamptes en militêre personeel het reeds tydens ʼn spesiale vroeë verkiesing gestem. Die uitslag van die verkiesing sal na verwagting oor vyf dae bekend gemaak word.

Mugabe het Dinsdag onderneem om uit te tree indien hy Woensdag die verkiesing verloor. Lees meer hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

javr ·

Dan sê hulle nou Mugabe se kanse is goed om weer te wen!!! Hoe de hel!!

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.