ʼn Zimbabwiese hof het Woensdag drie stropers tot ten minste 15 jaar tronkstraf elk gevonnis nadat hulle 81 olifante vir hul tande gestroop het deur die diere met sianied te vergiftig.
Diyane Tshuma (25) is tot 16 jaar tronkstraf gevonnis nadat hy olifante in die Hwange Nasionale Park in die weste van Zimbabwe vergiftig het. Sy medebeskuldigdes Robert Maphose (42) en Thabani Zonda (24) is elk tot 15 jaar tronkstraf gevonnis.
Die park se owerhede het die vonnisse verwelkom en gesê dit sal as ʼn afskrikmiddel vir voornemende stropers dien. Tshuma is verder aangesê om $600 000 aan die Zimbabwe Wildlife and Parks Authority te betaal omdat hy die diere afgemaai het en Zondo moet $200 000 teen die einde van die jaar betaal.
Lees ook:
Sianiedvergiftiging eis 81ste olifant in Zim
Olifant-vergiftiging in Zim vandag ondersoek
Sianied gebruik om olifante in Zim te stroop