Zuma se familie offer glo 12 beeste

President Jacob Zuma se familie het glo 12 beeste geoffer in ʼn poging om sy herverkiesing te verseker.

Die familie het die ritueel Sondag by sy Nkandla-woning gehou om met Zuma se voorvaders te kommunikeer, het The Star berig. Alhoewel daar vermoedelik geen ander ANC-leiers by die geleentheid was nie, het Zuma by Zoeloe-krygers aangesluit om ʼn tradisionele dans uit te voer. Duisende van sy familielede het vir hom gebid om tydens die ANC se nasionale verkiesingskonferensie by Mangaung in Desember as ANC-president herverkies te word.

ʼn Skild en ʼn spies is glo aan Zuma oorhandig om homself teen ander mededingers te verdedig. Na verwagting sal adjunk-president Kgalema Motlanthe homself verkiesbaar stel.

Zuma se seun, Edward, het die polisie en sekuriteitspersoneel aangesê om die media teen die einde van die vieringe weg te wys. Na bewering is ʼn verslaggewer van The Mercury hardhandig deur die polisie van die toneel verwyder.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Nico van der Merwe ·

Agtergeblewe? Net verstandelik – op geen ander manier nie!

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.