Een van die mans wat glo verlede jaar die “Spear”-skildery in die Goodman Galery in Johannesburg geskend het, verskyn vandag in die Hillbrow-landdroshof.
Louis Mabokela word van opsetlike saakbeskadiging aangekla nadat hy glo swart verf oor die berugte skildery gesmeer het. Die Kaapse kunstenaar, Brett Murray, het die skildery, wat president Jacob Zuma met sy ontblote privaatdele uitbeeld, geverf. Die skildery was deel van ʼn uitstalling “Hail to the Thief II” by die galery toe die voorval plaasgevind het.
Barend la Grange, die ander man wat ook die skildery geskend het, het ná die voorval R1 000 skulderkenningboete betaal.
Mabokela het sy R1 000-skulderkenningsboete van die hand gewys.
Een kommentaar