Volle naam: Adriaan Johannes Cruywagen
Beroep/Veld: Uitsaaiwese: radio en televisie
Plek van Geboorte: Johannesburg
Aantal jare ervaring: 37
Prestasies: Cruywagen is die langste in diens as televisienuus-aanbieder by die SAUK. Hy is as ʼn Afrikaanse ikoon deur die ATKV aangewys, het ʼn toekenning vir die bevordering van Afrikaans van die Rapportryers ontvang en die Edgarsklub wys hom as die beste manstelevisie-aanbieder aan.
Google Hits: 75 200
Biografie:
Riaan Cruywagen is die Rolls Royce van omroepers. Hy deel daagliks die nuus op televisie in uitstekende Afrikaans. Hy is bekend daarvoor dat hy nuusbulletins vooraf instudeer en met absolute professionaliteit aanbied. As Riaan die Afrikaanse nuus gelees het, kan jy dit maar as geloofwaardig beskou. Hy het ʼn lojaliteit aan die Afrikaanse taal en is die toonbeeld van toewyding aan die uitsaaiberoep.
Skakels:
- Wikipedia
Sjoe! Hierdie is ‘n man van staal, van durf en daad. Om die nuus elke aand op so ‘n wyse deur te gee, deel van ons huishoudings te wees, sonder om politiek te gesels. Ek hoop dat hy sal wen! Riaan Cruywagen is ‘n bittereinder en ek is trots om te sê dat ek ‘n Afrikaner is, bloot omdat hy een is.
Ek glo in my hart dat Riaan gaan wen. Ek ken Riaan al my hele lewe, hy ken my nie. Hy was die orrelspeler in ons kerk, so ek ken hom deur sy fantastiese orel speel en van sien by die kerk. Toe tv begin was hy Haas das se Nuuskas. Vandaar is Riaan altyd in die prentjie en ek is trots om te se ek weet wie hy is en hy is en ek is trots om ook sel ‘n Afrikaner te wees. Ek hou duim vas Riaan!!!!!
Riaan is eenstuk Afrikaans gesind. Hy is waarlik aangewese om die die prys te wen en verdien dit deur en deur oor soveel jare vanaf ons eerste Afrikaanse nuusleser op SAUK TV tot nou nog en hy doen dit so profesioneel
Riaan is ‘n voorbeeld vir baie van ons…hy is waarlik n Afrikaner in murg en been.
Asseblief nie, iemand is duidelik die kluts kwyt, Afrikaner my voet!
Riaan Cruywagen was daar vandat ek kan onthou en gaan seker nog wees totdat ek nie meer kan onthou nie (Alzheimer begin intree op enige ouderdom vanaf 55 plus;-)) en daarom stem ek vir hom as die Grootste Afrikaner van Alle Tye!
Ja, Riaan! Langs-lewende Afrikaner, wat ‘n voorbeeld is in sy lewenshandel.
Hy is ‘n Afrikaner op wie mens trots kan wees.
Dis (tong-in-die-kies) opvallend dat die meeste persone wat positiewe kommentaar lewer van die skoner geslag is – seker maar omdat Riaan ook “sag op die oog is”. Maar, JA, hy is ook myns insiens ‘n toonbeeld van hoe ‘n Afrikaner in murg en been behoort op te tree.
Danksy Riaan kry ons nog afrikaanse nuus op TV…hy is ‘n stunning man….en word nie oud nie, so hy het goeie gene. Sterkte Riaan…hoop jy wen
Riaan hou die taal lewendig. Ek het onlangs ‘n program oor hom met vele onderhoude met mense wat hom jare lank al ken, hy homself en sy voorsate gesien. Wat ‘n ongelooflike mens. Daar is baie meer aan hom as net ‘n nuus leser. ‘n Afrikaner om op trots te wees. Ek’s net nie so seker van die hare nie – ‘n haar-stuk of nie? Wie sal weet?