Podlitiek: Feite, uitlatings en leuens by die dosyne

blf-t-hemp-land-or-death

Sommige BLF-ondersteuners wat geklee was in T-hemde met die bewoording op die rug, “Land or Death”. Foto: Verskaf.

Opgestel deur die Podlitiek-span

In hierdie week se episode bespreek die Podlitiek-span leuens en BLF-persverklarings. Hulle kyk verder na die dispuut tussen AfriForum en die VF Plus, Daniel Friedman se uitlating by die Ahmed Kathrada-stigting se paneelbespreking asook die BLF se bewering dat die Weste siklone veroorsaak.

Die episode word ingelei met die groot storie binne die Afrikaanse politieke kringe dat dr. Corné Mulder in ʼn onderhoud gesê het dat hy nie saamstem met die benadering wat Ernst Roets van AfriForum volg nie wanneer dit kom by sake soos grondonteiening sonder vergoeding. Daniël Eloff wys daarop hoe dit belangrik dit is met enige nuusgebeure om 48 uur toe te laat om presies agter die kap van die byl te kom. Paul Maritz glo dat dit hartseer is om te sien dat die Afrikaanse gemeenskap verdeel word tussen groepe en partye wat grootliks op beleid met mekaar saamstem.

Die gesprek draai dan na die redakteur van The Citizen, Daniel Friedman, wat onlangs op ’n paneelbespreking die uitlating gemaak het dat alle regse rassiste eenvoudig voor die voet doodgemaak moet word en dan sal Suid-Afrika se probleme opgelos wees. Maritz beklemtoon dat vryheid van spraak nie gebruik kan word om ander mense se regte te raak nie, maar Eloff argumenteer dat spraak geduld behoort te word in soverre dit nie onmiddellike geweld of skade aanhits nie.

Om die plaaslike nuus mee af te sluit, bespreek Maritz en Eloff die BLF se bewerings dat die tropiese sikloon Idai wat Mosambiek verlede week getref het, deur die Weste veroorsaak is. Hierdie blyk eenvoudig ʼn desperate poging deur die BLF te wees om in die koerante se hoofopskrifte te bly. Wat egter skokkend is, is dat dit wel gewerk het en dat die BLF aansienlik meer aandag geniet as wat hulle as ʼn party behoort te geniet.

Om mee af te sluit, kyk die span na die Mueller-verslag in die VSA waar Robert Mueller bevind het dat daar geen sameswering ter sprake was tussen die Donald Trump 2016-verkiesingsveldtog en Russiese invloede nie. Die verslag dui verder daarop dat daar geen bevinding oor dwarsboming van die gereg gemaak kan word nie. Hierdie lyk soos ʼn oorwinning vir die Republikeine en Donald Trump wat met sekerheid kan sê dat hulle die 2016-verkiesing op ʼn regverdige wyse gewen het.

  • Sukkel jy om kop of stert uit te maak van die Suid-Afrikaanse politiek? Dan is Podlitiek die slypsteen wat jy nodig het om ʼn skerp en spitsvondige politieke mening te ontwikkel. Sit gerus die gesprek in die kommentaarafdeling voort, en onthou om Podlitiek op Iono.fm, YouTube en iTunes te volg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Jerry

Wanneer Mnr. Haan (VF) vir kapokhaantjie (AF) in die bek ruk dan dink ek nie ons moet probeer om meer daarin te lees as dat dit net n tik oor die vingers is.

Veritas

“Land or Death” lees die slaspreuk op die vrou se hemp. Wat sal gebeur as ek nou AWB uniform aantrek en daarop skryf ‘Equality or Death’? Sal dit ook aanvaarbaar wees?

Dries du Toit

Dr. Corne Mulder moet asb tog nie nou die hoop laat vergaan dat die Afrikaner besig is om saam te staan nie. Dit sal so baie hoopvolle Afrikaners bitter seer maak. Ons het nie nog n Andries Beyers nodig nie

Fran

Her julle geweet die vuis simbool wat op die logos van die ANC, EFF, BLF, Cosatu en ander wys hulle staan eintlik saam?

Gys

Friedman, ek dink nie dit sit in jou dun Joodse armpies om al die land se regses dood te maak nie.