Opgestel deur die Podlitiek-span
(Foto: Reint Dykema)
Wat ʼn week in die Suid-Afrikaanse politiek! As jy, soos baie Suid-Afrikaners, wonder wat op aarde aangaan wat koalisies betref, en wat die term minderheidsregering in die eerste plek beteken, dan is hierdie episode vir jou.
In dié week se episode van Podlitiek verduidelik die paneel die verskil tussen ʼn koalisieooreenkoms en ʼn minderheidsregering. Die verskil tussen hierdie terme is van groot belang om die verskil tussen Ekurhuleni in die Oos-Rand se werking en dié van Tshwane in Pretoria te verstaan. ʼn Volgende punt wat die Podlitiek-span op ʼn kenmerkend unieke manier aanpak, is hoe dit gebeur het. Die DA-lede skets hulself tipies as wenners, maar is dit werklik so? Het hul sogenaamde “beginselgebaseerde benadering” nie net hul maatjies op die speelterrein verminder nie?
Die belangrikste punt vir die Podlitiek-luisteraar is sekerlik: Nou wat nou? Die paneel pak hierdie vraag aan, noodwendig met turksvy-handskoene, maar eerlik en opreg. ʼn Episode wat nie misgeloop moet word nie!
Podlitiek lewer nie die nuus nie, hulle maak dit. Luister Podlitiek.
- Die Podlitiek-span bestaan uit Ernst van Zyl (AfriForum), Paul Maritz (Solidariteit) en Daniël Eloff (Hurter Spies Ing.).
