Podlitiek: Musk se Twitter-koop, Vryheidsdag onder stetoskoop

Elon Musk. (Foto: AP Photo/Chris Carlson)

Opgestel deur die Podlitiek-span

Vir talle Suid-Afrikaners is Vryheidsdag eintlik maar net ʼn ekstra vakansiedag, ʼn soort braaidag in die herfs, of ʼn kans om vir die eerste keer sedert Januarie ordentlik huis skoon te maak. Dit kom voor asof korrupsie en staatskaping heelparty landsburgers met ʼn wrang smaak rakende die “wonderwerk van die Reënboognasie” laat. Die Podlitiek-span wonder in vandag se episode hardop oor vryheid, en dan veral vryheid van spraak en vryheid in Suid-Afrika.

Die kwessie van spraakvryheid was vandeesweek weer hoofnuus met die aankondiging dat Elon Musk die sosialemediaplatform Twitter gekoop het teen ʼn astronomiese $44 miljard (sowat R702 miljard). Die groter vraag, en die vraag wat mense aan die praat het, is wat presies Musk se plan met Twitter is. Gegewe die feit dat hy self aandui dat dit vir hom oor meer vryheid en minder sensuur gaan, ondersoek die Podlitiek-span die stand van spraakvryheid in Suid-Afrika en elders, en oorweeg die belangrikheid van ʼn sosialemediaplatform waar mense maar vir mekaar aanstoot mag gee, en waar slegte idees oorwin word eerder as om nooit gehoor te word nie.

Volgende word ʼn algemene vraag oor vryheid gevoer, en die vraag is natuurlik of Suid-Afrikaners al die vryhede wat hulle wel het, opeis. Die Podlitiek-span wonder of dit nie soms ʼn bietjie makliker is om te kla as om al die vryhede wat ʼn mens wel mag opeis, dan nou op te eis nie.

Luister gerus na hierdie week se Podlitiek om meer oor hierdie en ander stories te hore te kom!

  • Die Podlitiek-span bestaan uit Paul Maritz, Daniël Eloff (Hurter Spies Ing.), Ernst van Zyl (AfriForum) en Frederik van Dyk.

Hierdie plasing is deur ’n onafhanklike persoon of onderneming saamgestel. Die menings en standpunte wat in hierdie skrywe uitgespreek word, is nie noodwendig die beleid of standpunt van Maroela Media se redakteurs, direksie of aandeelhouers nie. –Red

Deel van: Meningsvormers, Podsendings

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.