Soorte resepte:

Resep: Aartappelgebak

Aartappelgebak (Lapa-uitgewers)

Daar is niks so lekker soos aartappel saam met braaivleis nie!

Lewer 6 porsies

Bestanddele

  • 4 aartappels, gewas maar nie geskil nie
  • 1 ui, in dun skyfies gesny
  • 125 ml room
  • 125 ml melk
  • sout en peper na smaak
  • 125 ml gerasperde Cheddarkaas

Metode

  1. Voorverhit die oond tot 180 °C en smeer ʼn oondbak.
  2. Sny die aartappels in dun skywe en rangskik dit in die voorbereide oondbak.
  3. Rangskik die skyfies ui bo-op die skywe aartappel in die bak.
  4. Meng die room en melk en giet oor die aartappels en ui.
  5. Geur met sout en peper.
  6. Strooi die gerasperde Cheddarkaas oor en bak vir 30 minute tot goudbruin.

Bron: Kook saam Kaaps

Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

Lindtjies ·

My weergawe van die resep is bietjie anders. Ek skil die aartappels heeltemal en strooi droeë knoffelvlokkies daaroor voordat ek die room oorgooi. Ek gebruik ook net room en nie melk nie.

Marietjie ·

Ek maak my aartappel gereg ook so, ek gooi Aromat mildelik oor, dit maak dit nóg lekkerder!

Mornay ·

Dit hang af hoe die buget lyk kan jy so te se enige iets by sit hy bly n wenner
ek maak hom somer op die vuur in my bekende brood pot .
Met pay day is dit natuurlik nat gekerfde Biltong

Ons gaan nou BRAAI

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.