Daar is niks so lekker soos aartappel saam met braaivleis nie!
Lewer 6 porsies
Bestanddele
- 4 aartappels, gewas maar nie geskil nie
- 1 ui, in dun skyfies gesny
- 125 ml room
- 125 ml melk
- sout en peper na smaak
- 125 ml gerasperde Cheddarkaas
Metode
- Voorverhit die oond tot 180 °C en smeer ʼn oondbak.
- Sny die aartappels in dun skywe en rangskik dit in die voorbereide oondbak.
- Rangskik die skyfies ui bo-op die skywe aartappel in die bak.
- Meng die room en melk en giet oor die aartappels en ui.
- Geur met sout en peper.
- Strooi die gerasperde Cheddarkaas oor en bak vir 30 minute tot goudbruin.
Bron: Kook saam Kaaps
Uitgewer: Lapa
My weergawe van die resep is bietjie anders. Ek skil die aartappels heeltemal en strooi droeë knoffelvlokkies daaroor voordat ek die room oorgooi. Ek gebruik ook net room en nie melk nie.
Skink ook brandewyn en bier mildelik.
Ek maak my aartappel gereg ook so, ek gooi Aromat mildelik oor, dit maak dit nóg lekkerder!
Dit hang af hoe die buget lyk kan jy so te se enige iets by sit hy bly n wenner
ek maak hom somer op die vuur in my bekende brood pot .
Met pay day is dit natuurlik nat gekerfde Biltong
Ons gaan nou BRAAI