Soorte resepte:

Resep: Aartappel­poffertjies

Aartappelpoffertjies (Foto: Lapa-uitgewers)

Heerlik saam met ʼn tjoppie!

Lewer 6-8 poffertjies

Bestanddele

  • 500 g aartappels, geskil
  • 125 ml (½ k) koekmeel
  • 2,5 ml (½ t) bakpoeier
  • 5 ml (1 t) sout
  • 1 eier
  • 30 ml (2 e) botter
  • 5 ml (1 t) vanieljegeursel
  • 3 ml (¾ t) amandelgeursel
  • 125 ml (½ k) melk
  • genoeg sonneblomolie vir diepbraai
  • kaneelsuiker

Metode

  1. Kook die aartappels in soutwater tot sag. Dreineer die aartappels en druk dit goed fyn.
  2. Sif die meel, bakpoeier en sout saam en voeg by die aartappels. Meng goed deur.
  3. Klits die eier, botter, vanieljegeursel en amandelgeursel saam en giet dit by die aartappelmengsel.
  4. Voeg die melk by en roer goed.
  5. Verhit genoeg olie in ’n swaarboomkastrol en diepbraai lepels vol van die deeg tot bruin aan albei kante. Strooi kaneelsuiker oor en bedien.

Bron: Soettand deur Koelsoem Kamalie en Flori Schrikker

Uitgewers: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae