Soorte resepte:

[Resep] Aartappelslaai

Aartappelslaai (Foto: Lapa-uitgewers)

Heerlike aartappelslaai om saam met die naweek se braaivleis te geniet!

Maak 6 porsies

Bestanddele:

  • 6 groot aartappels
  • 1 ui, baie fyn gekap
  • 4 agurkies, baie fyn gekap
  • 500 ml (2 k) mayonnaise
  • 187 ml (¾ k) kondensmelk
  • 5 ml (1 t) witasyn
  • knypie sout
  • 6 grasuie, gekap

Metode:

  1. Kook aartappels in water met genoeg sout tot mes se punt gemaklik daardeur kan steek.
  2. Dreineer en laat aartappels afkoel.
  3. Trek skille af en sny in blokkies.
  4. Meng ui, agurkies, mayonnaise, kondensmelk, asyn en sout, en roer by aartappels.
  5. Sit koud saam met gekapte grasuie voor.

Wenk:

Kondensmelk kan ook met 125 ml (½ k) strooisuiker vervang word. Roer strooisuiker by mayonnaise, laat ’n bietjie staan tot suiker opgelos is en meng goed.

BronVinnig en maklik: Resepte uit Vrouekeur 3
UitgewerLapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

lynette ·

Vervang die kondensmelk met volroom yogurt vir baie gesonder opsie . Steeds net so heerlik.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.