Soorte resepte:

Resep: Feestelike slaai met granaat en beet

Feestelike slaai met granaat en beet (Foto: Verskaf)

Hierdie is ’n baie maklike resep en die kleure is ’n lus vir die oog.

Genoeg vir 6 tot 8

Bestanddele:

175 g granaatpitte
50 g pekanneute
200 g klein beetjies
75 g wit salotte met blare
75 g wortels
100 g jong spinasieblare
15 g Italiaanse pietersielie
1 appel
120 g pitlose wit druiwe
50 g bosbessies
bloukaas (opsioneel)

Slaaisous:

2 e olyfolie
2 e korrelmosterd
2 e heuning
2 e suurlemoensap
1 g sout

Metode:

Sny die salotte, wortels en appel in klein stukkies.
Meng die spinasie, pietersielie en druiwe.
Dien op in jou gunsteling-slaaibak.
Plaas die beetjies, pekanneute, granate en bosbessies bo-op en rond af met vars gemaalde swartpeper.

Berei die slaaisous voor deur al die bestanddele saam te meng. Roer goed.

Vir meer resepte besoek gerus www.nutritionbyolive.com.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae