Soorte resepte:

Resep: Gekookte kerrie-eiers

Gekookte kerrie-eiers (Foto: Lapa-uitgewers)

“As kind het ons as familie ten minste een keer per week hardgekookte eiers of ʼn eierdis vir middagete of ʼn ligte aandete geniet. Die gereg is ideaal as peuselhappies of voorgereg,” skryf Francois Ferreira in sy resepteboek, Koskaskos.

Lewer 4 porsies

Bestanddele

  • 10 ml olie
  • 2 preie, gewas en fyngekap
  • 10 ml kerriepasta
  • 1 ml borrie
  • 90 ml mayonnaise
  • 4-6 snye witbrood
  • botter
  • 3 hardgekookte eiers, elk in 6 eweredige skyfies gesny
  • ’n hand vol gekapte koljanderblare, as garnering

Metode

  1. Mayonnaise: Verhit die olie in ’n pan en laat die preie in die olie sweet sonder dat dit verkleur. Voeg die kerriepasta en borrie by.
  2. Braai dit baie liggies sodat die kerrie en borrie warm raak. Verwyder die pan van die hitte en laat tot kamertemperatuur afkoel. Voeg dan die mayonnaise by en meng goed.
  3. Rooster die snye brood en sny in 12 ewe groot sirkels. Botter die broodsirkels, rangskik die eierskyfies bo-op en bedruip met die kerriemayonnaise. Garneer met die koljanderblare en sit voor.

Bron: Koskaskos deur Francois Ferreira

Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae