Soorte resepte:

[Resep] Geroosterde aspersies met lemoen- en olyfsalsa

Foto: Clover Gunsteling braairesepte

Geroosterde aspersies met lemoen- en olyfsalsa. Foto: Clover Gunsteling braairesepte

Oorweeg gerus dié heerlike gereg as ʼn bykos vir Kersfees!

Genoeg vir 4-6 porsies

Bestanddele:

  • 250 g aspersies, onderpunte afgebreek
  • ¼ k (60 ml) gesmelte Clover Springbok-botter
  • sout en varsgemaalde swartpeper

Lemoen- en olyfsalsa

  • ¼ k gekapte Italiaanse pietersielie
  • 10 swart olywe, ontpit en fyn gesny
  • 4 ansjovisfilette, fyngekap
  • 2 e (30 ml) kappertjiesaad
  • 2 t (10 ml) fyngerasperde suurlemoenskil
  • 1 t (5 ml) wit wynasyn
  • 3 e (45 ml) Clover Krush-lemoensap
  • 4 e (60 ml) olyfolie
  • Sout en varsgemaalde swartpeper

Metode:

  1. Verf die botter oor die aspersies en geur met sout en peper.
  2. Rooster op ʼn baie warm braai of in ʼn riffelpan vir 2-3 minute aan ʼn kant. Draai die aspersies gereeld om. Rangskik op ʼn opdienbord.
  3. Kombineer die pietersielie, olywe, ansjovis, kappertjiesaad, suurlemoenskil en asyn in ʼn klein bakkie.
  4. Klits die lemoensap en olyfolie saam en roer dit geleidelik by die salsamengsel.
  5. Geur na smaak met sout en peper. Skep oor die aspersies en sit teen kamertemperatuur voor.

Bron: Gunsteling braairesepte
Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae