Wenk: Jy kan ook knopiesampioene aan sosatiestokkies ryg, dit met die bottermengsel verf en rooster op ʼn warm braai.
Genoeg vir 4-6
Bestanddele:
- ⅓ k (80 ml) Clover Mooi River-botter, kamertemperatuur, met ekstra vir bo-oor verf
- 2 knoffelhuisies, fyngedruk
- 5 sprietuite, fyngekap
- 1 e (15 ml) fyngekapte grasuie
- 1 e (15 ml) fyngekapte vars pietersielie
- 1 t (5 ml) fyngekapte vars tiemie
- 1 t (5 ml) gerasperde lemoenskil
- 2 t (10 ml) suurlemoensap
- sout en vars gemaalde peper
- 4-6 groot swart sampioene
Metode:
- Plaas al die bestanddele, behalwe vir die sampioene, in ʼn mengbak en meng goed.
- Verf ʼn bietjie van die ekstra botter oor die gladde kant van die sampioene en braai vir 2 minute met die gladde kant na bo.
- Draai die sampioene om en skep van die kruie-bottermengsel op elke sampioen. Braai vir 4-5 minute, of tot sag.
- As jy wil, plaas die sampioene in ‘n oondvaste bak, skep ‘n bietjie suurroom oor elke sampioen en strooi kaas en rooipeper bo-oor.
- Plaas onder ‘n baie warm oondrooster vir 2-3 minute of tot die kaas goudkleurig is. Sit dadelik voor.
Opsioneel:
- ¼ k (60 ml) Clover-suurroom
- ½ k (125 ml) gerasperde Clover- wit chedderkaas
- ½ t rooipeper
Bron: Clover Gunsteling braairesepte
Uitgewer: Lapa
Alle wins met die verkoop van dié resepteboek, word aan die Clover Mama Afrika-projek gegee.