Soorte resepte:

(Resep) Hap saam met Lochner: Mielieplaatkoekies

Mielieplaatkoekies (Foto: Skermgreep uit die video)

Wie hou nou nie van ʼn lekker plaatkoekie nie? Lochner omskep híérdie een in ʼn volledige ontbyt! Kyk hier hoe hy dit doen.

Bestanddele:

  • 1 k bruismeel
  • 1 k melk
  • 1 e room
  • 1 k mielies
  • kaas
  • 2 eiers
  • grasuie, fyngemaak

Metode:

  1. Meng bruismeel, melk, room, mielies en kaas saam in ʼn bak.
  2. Voeg die eiers en grasuie by en roer tot gemeng.
  3. Verhit ʼn pan en gooi bietjie olie in.
  4. Gooi groot lepels vol plaatkoekiebeslag in die pan.
  5. Sodra die koekie klein borrels begin maak kan jy dit omdraai en die ander kant braai.
  6. Bedien dit dadelik met ʼn gekookte eier en kaas bo-op.

Kyk in die video hoeveel van elke bestanddeel Lochner byvoeg, en pas dit gerus aan volgens jou persoonlike behoeftes.

Hierdie video is deel van ʼn reeks kosvideo’s wat Maroela Media saam met Lochner de Kock, bekende Suid-Afrikaanse koskenner, vervaardig. Die video’s word weekliks op Maroela Media gepubliseer. Kyk na al die Hap saam met Lochner-video’s op Maroela Media. – Red

Kyk hier hoe Lochner hierdie resep voorberei:

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse, Resep-video's

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Marisa ·

Dit klink heerlik. Maar ek is seker daarvan dat die saam met ‘n gebakte eier eerder as ‘n gekookte eier voorgesit moet word as ‘n mens die foto as leiding neem. Maar hierdie is vir seker ‘n resep wat ek gaan bêre! Baie dankie!

riana ·

Baie oulik en nuttig. Ek sou dit voorsit saam met spek, kersietamaties en roereier met kruie of selfs avokado.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.