Resep: Mosterdring

Foto: Tannie Poppie kook

Hierdie mosterdring word in ’n dubbelkoker berei.

Bestanddele:

• 4 eiers
• 250 ml water
• 125 ml asyn
• 15 ml suiker
• 15 ml gelatien
• 15 ml mosterdpoeier
• 2 ml borrie
• sout na smaak
• 250 ml room, styfgeklits

Metode:

1. Klits die eiers in die boonste deel van ’n dubbelkoker.
2. Klits die water en asyn by die eiers.
3. Meng die suiker, gelatien, mosterd, borrie en sout saam.
4. Voeg by die eiermengsel in die dubbelkoker.
5. Roer gereeld tot die mengsel dik is.
6. Laat afkoel.
7. Vou die room in.
8. Skep in ’n ringvorm wat met koue water uitgespoel is.
9. Plaas in die yskas om te stol.

Bron: Tannie Poppie kook
Uitgewer: Human & Rousseau