Soorte resepte:

[Resep] Ouma Hester se soetsuur-patats

Soetsuur-patats

Foto: Tannie Poppie kook

Hierdie is die resep van ouma Hester Brits.

Lewer 6-8 porsies

Bestanddele:

  • 500 g patats, geskil en in skywe gesny
  • gedroogde skil van 1 nartjie
  • 5 ml suurlemoensap
  • 25 ml botter of margarien
  • 1 kaneelstokkie
  • 160 ml sagte (donker) bruinsuiker
  • 60 ml water
  • 125 ml soetsuursous

Metode:

  1. Kook die patats, nartjieskil, suurlemoensap, botter of margarien, kaneelstokkie, suiker en water saam.
  2. Voeg nou die soetsuursous by.
  3. Verhoog die hitte en braai die patats tot goudbruin.
  4. Verwyder die nartjieskil en kaneelstokkie en sit voor.

Tannie Poppie sê sy sit die gereg voor met beesstert en stampmielies.

Bron: Tannie Poppie kook
Uitgewer: Human & Rousseau

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

loeloe ·

Lekker lag ek nou. Nee, jy is nie dom nie. Maar as jy is, dan is daar twee van ons.

DPJ ·

Waarom al die suiker? Patats dan nie soet nie? Wil julle groente of sweets eet wat gegeur is met papats, natjie en suudrlemoen?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.