Soorte resepte:

Resep: Pampoenpoffers

Pampoenpoffers. Foto: Tannie Poppie Kook

Pampoenpoffers. Foto: Tannie Poppie Kook

Bestanddele:
• 750 ml gaar, fyngemaakte pampoen
• 2 eiers
• 500 ml bruismeel
• 15 ml bakpoeier
• 5 ml sout
• sonneblomolie vir diepbraai

Stroop
• 500 ml suiker
• 250 ml water
• 125 ml melk
• 60 ml botter of margarien
• 10 ml mielieblom, aangemaak met ‘n bietjie koue water

Berei die poffers:
1. Meng al die bestanddele, behalwe die olie, goed saam.
2. Braai lepels vol van die beslag in warm, diep olie tot goudbruin.
3. Dreineer op kombuispapier of in ‘n vergiettes.
4. Pak die poffers in ‘n glasbak.

Berei die stroop:
1. Kook al die bestanddele saam tot die suiker opgelos
2. Gooi oor die gaar poffers.
Gooi sowat 3 ml vlapoeier by die mielieblom om dit ‘n aangename smaak te gee…
Die pampoenpoffers vries baie goed.

Bron:

Die resepteboek, Tannie Poppie Kook, word uitgegee deur Human & Rousseau. Besoek die uitgewer se webwerf vir meer inligting oor die boek en skrywer.

Lees ook meer oor Tannie Poppie en haar resepteboek hier.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Gerhard ·

Vir ‘n skeppie pampoen sal ek die Drakensberge kaalvoet oorsteek, so dit gaan net ‘n kwessie van tyd wees voor ek hierdie resep beproef. Ek wonder nou net of mens ‘n botterskorsie kan gebruik… of moet dit “boerpampoen” wees. Altwee is ewe lekker – maar ek verkies eersgenoemde.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.