Soorte resepte:

Resep: Rysslaai met bone en mielies

Rysslaai met bone en mielies (Foto: Lapa-uitgewers)

Heerlik en gesond!

Lewer 4 porsies

Bestanddele

  • 125 ml rou bruinrys
  • 500 ml kookwater
  • 1,25 ml sout
  • 410 g (1 blik) rooi nierbone, gedreineer en afgespoel
  • 250 ml bevrore of geblikte mielies
  • 4 sprietuie, fyngekap
  • 50 ml gekapte vars koljander
  • Tabasco- of brandrissiesous na smaak

Metode

  1. Kook die rys in kookwater met ’n knippie sout.
  2. Voeg die bone en mielies 10 minute voordat die rys gaar is by.
  3. Dreineer oorblywende vloeistof en roer die sprietuie en koljander deur.
  4. Geur met Tabasco- of brandrissiesous na smaak.

Bron: Gesonde Kosblikkie

Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse, Vegetariese geregte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae