Soorte resepte:

Granaatstroop

Lewer ± 1 liter

4,5 kg rooiryp granate (± 1 liter sap)
1 kg suiker

1. Sny die granate horisontaal deur en druk die sap met ‘n lemoendrukker uit.
2. Syg dit deur 2 lae moeseliendoek. Anders as met die maak van jellie, kan die doek wel gedruk word om soveel moontlik sap uit te pers.
3. Verhit die sap en suiker oor lae hitte en roer tot die suiker opgelos is.
4. Kook vir 12 minute en skep alle skuim wat vorm af.
5. Giet dit in gesteriliseerde bottels, laat heeltemal afkoel en verseël.
6. Verdun dit met water of sodawater wanneer dit voorgesit word.

Oorspronklik gepubliseer in Bottel en gebruik
Uitgewer: Lapa
Prys: R225-00*
* Prys onderhewig aan verandering

Bottel en gebruik is by toonaangewende handelaars asook direk by LAPA Uitgewers beskikbaar. Kontak LAPA by 012 401 0700 of besoek die webblad: www.lapa.co.za.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Drinkgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae