Soorte resepte:

[Resep] Ouma Sannie se jelliestroop

Jelliestroop

Heerlike jelliestroop. Foto: Wenresepte 2

Mev. Adrienne Cillie van Slangrivier, Wellington, vertel: “Die mense op ons ou plaas in die distrik Ladismith het hierdie eenvoudige koeldrank geslagte lank gemaak. Ons het natuurlik geen yskaste gehad nie, maar met die koel water uit die erdekraffie was dit ’n verfrissende drankie. Dit kan maklik verdubbel word.”

Lewer sowat 1,5 l stroop

Bestanddele:

  • 1,5 l water
  • 600 g (750 ml) suiker
  • I pakkie (80 g) suurlemoen- of portwynjellie
  • 15 ml sitroensuur
  • 2 ml suurlemoengeursel

Metode:

  1. Verhit die water en suiker tot kookpunt. Laat dit ʼn rukkie vinnig kook. Voeg die jelliepoeier by en roer net tot opgelos. Laat dit weer opkook.
  2. Haal die stroop van die stoof af en roer die sitroensuur en geursel by. Laat dit afkoel en giet dan in bottels.
  3. Om te skink: Gooi ’n glas ¼ vol stroop en vul met koue water en ysblokkies.

Bron: Wenresepte 2
Uitgewer: Human & Rousseau

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Drinkgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.