Soorte resepte:

[Resep] Tuisgemaakte gemmerlim

Foto: Skottel en Spens

Tuisgemaakte gemmerlim. Foto: Skottel en Spens

ʼn Verfrissende drankie vir lang, warm, somerdae …

Lewer 8 glase

Bestanddele:

  • sodawater
  • lemmetjiesap, verkieslik vars
  • 2 lemmetjies, in skyfies gesny

Gemmerwater

  • 4 k gekapte gemmer
  • 4 k water

Stroop

  • 2 k suiker
  • 2 k water

Metode:

  1. Kook vier koppies water en voeg die gemmer daarby. Verminder die hitte vir vyf minute na medium. Verwyder die kastrol van die hitte en laat staan dit vir 20 minute. Giet die vloeistof deur ʼn fyn sif. Verwyder die gemmerstukkies.
  2. Berei die stroop in ʼn aparte kastrol. Los twee koppies suiker op in twee koppies kokende water. Sit dit eenkant om af te koel.
  3. Vul individuele groot glase met ½ koppie gemmerwater, ⅓ koppie stroop en ½ koppie sodawater. Voeg ʼn paar druppels lemmetjiesap by asook ʼn lemmetjieskyfie.
  4. Vul die glas met blokkies ys.

Bron: Skottel en Spens
Uitgewer: Duto Media

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Drinkgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae