Soorte resepte:

[Resep] Vinnige kersie-en-sitrus-limonade

Foto: Skottel en Spens

Vinnige kersie-en-sitrus-limonade. Foto: Skottel en Spens

Bederf jou kuiergaste dié somer met hierdie maklike limonade resep: dis vinnig en heerlik!

Bereidingstyd: 15 minute. Kooktyd: 10 minute

Bestanddele:

  • 1 k suiker
  • 1 k suurlemoensap
  • 1 k lemoensap
  • 1 of meer koppies ryp kersies
  • 6 – 12 k water
  • ʼn halwe suurlemoen se skiI
  • rooiwyn na smaak (opsioneel)

Metode:

  1. Verhit die suiker en een koppie water in ʼn swaarboompan oor lae hitte totdat die suiker opgelos het.
  2. Voeg die skil asook die lemoen- en suurlemoensap by. Voeg ses koppies water by.
  3. Voeg die kersies by, asook die rooiwyn.
  4. Voeg daarna koppie vir koppie water by en proe gereeld om te bepaal of dit na jou smaak is.
  5. Gooi die finale produk in herseëlbare bottels of flesse.
  6. Bedien yskoud en versier met suurlemoenskyfies en een of meer kersies in elke glas.

Bron: Skottel en Spens
Uitgewer: Duto Media

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.