Soorte resepte:

Aartappel-en-speksosatie

lewer 6-8 

Bestanddele:
1 kg klein aartappeltjies, gaargekook
1 x 250 g-pak swoerdlose spek
250 g knopiesampioene, skoongevee
200 ml gesmelte knoffelbotter
8 sosatiestokkies

Metode:
1. Voorverhit die oond tot 200°C.
2. Draai die spek om elke aartappeltjie en ryg afwisselend met die sampioene op die sosatiestokkies.
3. Smeer die gesmelte knoffelbotter oor elke sosatie en rangskik die sosatie op ‘n bakplaat.
4. Rooster die sosaties ongeveer 10 minute op die boonste rakkie van die oond.
5. Sit warm voor.

*Die sosaties kan ook oor die kole gebraai word.

Resep oorspronklik gepubliseer in Smul sonder sukkel deur Olga Wall.
Uitgewers: Lapa
Eerste uitgawe: 2006

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae