Soorte resepte:

Krimpvarkiekoek

Oulike verjaarsdagkoek idee.

Lewer 1 groot koek:

Bestanddele:
200 ml kookolie
375 ml (300g) suiker
4 ekstra groot eiers
45 ml gladde appelkooskonfyt
625 ml (350g) snowflake-bruismeel
7 ml koekoda
2 ml sout
60 ml (25g) kakaopoeier
375 ml vars melk

Versiersel en Bolaag:
100 g sagte botter of margarien
500 ml (250g) versiersuiker, gesif
60 ml (25g) kakaopoeier
30 ml warm water
5 ml vanieljegeursel
sowat 30 ml melk

Versiering:
10 ml kakaopoeier
sowat ¼ hoeveelheid (125g) marsepein
3 jelliebontjies, ander lekkergoed of ekstra marsepein
sowat 15 flake-sjokolade

1. Klits olie en suiker saam. Voeg eiers een vir een by en klop goed na elke byvoeging, tot lig en romerig. Voeg konfyt by.
2. Sif meel, sout en kakaopoeier saam. Voeg om die beurt met melk by romerige mengsel. Meng goed.
3. Skep mengsel in ‘n gesmeerde, oodvaste, diep ronde glasbak (inhoudsmaat 3.5 liter) en bak 55-60 minute in ‘n voorverhitte oond teen 180 °C. Laat ‘n paar minute in die bak staan en keer dan op ‘n draadrak uit om heeltemal af te koel.
4. Versiersel en bolaag: klop botter en versiersuiker saam tot romerig. Meng kakaopoeier met warm water tot glad en voeg by versiersel. Voeg geursel by, en genoeg melk om tot glad en smeerbaar te meng.
5. Om saam te stel: Sny koek horisontaal in twee lae en smeer versiersel tussenin. Sny 4-5 cm van koek aan twee teenoorgestelde kante af. Plaas die twee afgesnyde stukke bo-op die koek om die bokant meer spits te maak. bedek koek heeltemal met res van versiersel.
6. Versiering: Voeg kakaopoeier by marsepein en knie tot goed gemeng. Vorm ‘n krimpvarkiegesiggie en plak teen die koek. Pak lekkergoed op gesig vas vir oë, asook een vir die mond. Sny elke flake in drie en druk vas in die versiersel terwyl sag.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae