Soorte resepte:

Miljoenêrsbrosbrood

Ongeveer 24 blokkies

Brosbrood:
125 g (¼ blok) sagte botter
75 ml (5 e) strooisuiker
250 ml (1 k) koekmeel
knypie sout

Karamellaag:
60 ml (4 e) botter
45ml (3 e) gouestroop
397 g (1 blik) kondensmelk
125 ml (½ k) strooisuiker

Bolaag:
200 g (2 pakke) sjokolade, in blokkies gebreek
100 g (1 pak) donkersjokolade, in blokkie gebreek

Stel oond op 160°C.

1 Brosbrood Room botter en strooisuiker tot liggeel.
2 Sif koekmeel en sout by en meng tot sagte deeg vorm.
3 Druk deeg op bodem van koekpan 20 cm x 20 cm groot wat met bakpoeier uitgevoer is vas.
4 Prik deeg met vurk en bak vir 20 minute. Verwyder uit oond.
5 Karamellaag Verhit bestanddele vir karamellaag oor matige hitte in dikboomkastrol tot suiker opgelos is. Roer af en toe.
6 Kook verder tot mengsel dik en goudkleurig word. Dit neem ongeveer 10 minute vandat eerste borreltjies begin vorm tot karamel reg is.
7 Skep karamelsous bo-oor broskors. Hou eenkant tot gestol.
8 Keer koekies versigtig met behulp van bakpapier uit.
9 Bolaag Smelt sjokolade teen 70%- krag in mikrogolf. Roer af en toe tot dit glad is.
10 Smeer sjokolade bo-oor karamellaag en laat eenkant tot gestol.
11 Sny kante gelyk en sny ewe groot blokkies.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

6 Kommentare

Suné van Heerden ·

Ons sal julle môreoggend in kennis stel. Jammer hieroor! Groete, Maroela

Suné van Heerden ·

Ons sal julle môreoggend gou laat weet! Jammer hieroor. Groete, Maroela

Danelle Van Zyl ·

Die hoeveelheid koekmeel is 250 ml (1 k). Die resep is nou volledig, loer gerus. Groete, Maroela

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.