Soorte resepte:

Resep: Alanis se sjokoladeryspoeding

Alanis se sjokolade-ryspoeding (Foto: Lapa-uitgewers)

’n Heerlike warm sjokoladepoeding is die perfekte medisyne vir die bibberende koue dae.

Lewer 6 porsies

Bestanddele

1 ℓ volroommelk
125 g botter
1 x 175 g-pakkie Oreo-koekies, 10 grofgekap
10 ml (2 t) kakao
2 x 90 g-pakke donkersjokolade, in blokkies gebreek
500 ml (2 k) gaar witrys

Metode

  1. Voorverhit die oond tot 160 °C en smeer ’n oondvaste bak met botter.
  2. Meng die melk en botter in ’n swaarboomkastrol en verhit. Roer die koekies, kakao en sjokolade deur die melkmengsel en laat vir 3-5 minute liggies kook. Verwyder van die hitte.
  3. Roer die rys in en skep die poeding in die voorbereide oondvaste bak. Bak die poeding vir 15 minute en sit warm voor saam met room of vla.

Bron: Soettand

Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae