Soorte resepte:

[Resep] Bak-sommer-baie-koekies

(Foto: Lapa-uitgewers)

Almal sal van dié koekies hou.

Maak ongeveer 60 koekies

Bestanddele:

  • 625 ml (2½ k) koekmeel
  • knypie sout
  • 100 g (1 pakkie) pekanneute, grofgekap
  • 125 g (½ pakkie) dadels, fyngekap
  • 500 ml (2 k) graanvlokkies, effens fyner gedruk
  • 125 ml (½ k) fyn klapper
  • 125 ml (½ k) sultanas
  • 375 ml (1½ k) Rice Krispies
  • 200 g sagte botter
  • 375 ml (1½ k) strooisuiker
  • 5 ml (1 t) vanieljegeursel
  • 3 ekstragroot eiers, geklits
  • 7,5 ml (1½ t) koeksoda
  • 60 ml (4 e) water

Metode:

  1. Stel oond op 180 °C.
  2. Sif koekmeel en sout. Meng neute, dadels, graanvlakkies, klapper, sultanas en Rice Krispies
  3. Room botter, suiker en vanieljegeursel tot
  4. Klits eiers by bottermengsel.
  5. Meng koeksoda en water en klits by bottermengsel.
  6. Meng bottermengsel by meelmengsel tot deeg vorm.
  7. Skep teelepelsvol deeg en rol in balletjies.
  8. Plaas op bakplaat wat met bakpapier uitgevoer is.
  9. Druk effens platter en bak vir 10 minute of tot goudbruin.

Bron: Vinnig en maklik: Resepte uit Vrouekeur 3

UitgewerLapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

5 Kommentare

E.K. ·

Hou niks van dadels, gril my dood – sal dit verskil maak as mens dit weglaat Maroela? Hoop om antw te kry. Dankie

Amber ·

E.K., jy hoef nie dadels in te sit nie, vermeerder net van die ander bestandele sodat jy 125g daarvan het. Bv meer neute en sultanas.
Lekker bak.

Hanna ·

Wat beteken 200 9 sagte botter? Moet dit wees 200ml of dalk 200 gram? Dalk moes die 9 ‘n “g” wees :-)

Dalene de Vente ·

Dagsê Hanna

Dankie vir jou valkoog. Ons vra om verskoning vir die oorsig, die berig is reeds gewysig.

Groetnis
Dalene
nms. Maroela Media

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.