Soorte resepte:

Resep: Botterkaramel-gemmerroompies

Botterkaramel-gemmerroompies (Foto: Lapa-uitgewers)

Soet en bros koekies met net ʼn tikkie gemmer, water jou mond al?

Bestanddele

  • 250 g (280 ml) botter
  • 110 g (125 ml) sagte bruinsuiker
  • 255 g (455 ml) koekmeelblom, gesif
  • 10 ml gemaalde gemmer

VULSEL

  • 30 g botter
  • 15 ml bruinsuiker
  • 15 ml room
  • 170 g (250 ml) versiersuiker

Metode

  1. Voorverhit die oond tot 180 °
  2. Klop die botter en suiker saam tot lig en romerig.
  3. Roer die meel en gemmer by en meng goed.
  4. Skep die mengsel in ʼn spuitsak met ʼn 2 cm-sterspuit en spuit sterre of rosette, 2,5 cm in deursnee ongeveer 3 cm uitmekaar, op ʼn gesmeerde bakplaat.
  5. Bak vir ongeveer 10 minute of tot goudbruin. Laat op die bakplate afkoel.

VULSEL

  1. Meng die botter en bruinsuiker in ʼn kastrolletjie en smelt oor lae hitte tot die suiker opgelos is.
  2. Voeg die room by en roer tot glad. Verwyder van die hitte en roer die versiersuiker geleidelik by. Laat afkoel.
  3. Plak die koekies twee-twee met die vulsel op mekaar en sif versiersuiker bo-oor.

Bron: 101 Kleinkoekies

Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

N.Tredoux ·

O dit lyk uit die boonste rakke! Baie van julle resepte skryf ek neer en dit is gunstelinge. Baie dankie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.