Soorte resepte:

Resep: Dadelblokkies

Dadelblokkies

Foto: Lekker en Vinnig

(Uit: Smul sonder sukkel, Olga Wall)

Lewer 12 porsies

Bestanddele:

  • 230 g (250 ml) botter of margarien
  • 200 g (250 ml) suiker
  • 2 eiers
  • 200 g (1 pakkie) Mariebeskuitjies, gekrummel
  • 150 g (250 ml) dadels, ontpit en gekap
  • 100 g (250 ml) okkerneute, gekap
  • 5 ml vanieljegeursel

Metode:

  1. Smelt die botter en suiker saam in ’n kastrol. Laat effens afkoel.
  2. Klits die eiers goed en voeg dit by die gesmelte botter en suiker. Klits die mengsel baie goed totdat dit verdik.
  3. Voeg die res van die bestanddele by en meng goed.
  4. Skep die mengsel in ’n gesmeerde tertbord en druk dit goed vas.
  5. Verkoel ± 1 uur en sny in blokkies.

Bron: Lekker en Vinnig – Lekkers
Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

elsabe ·

Sal die rou eier nie skadelik wees vir ‘n mens se gesondheid? Huh?

Lynette ·

Al lees jy resep hoe mooi, bly Elsabe se vraag steeds geldig.

Loraine Dupper ·

Die hitte van die ‘effens afgekoelde” botter en suiker maak die eiers “gaar” en is dit dus nie rou nie…..

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.