Soorte resepte:

Resep: Familiekoekies

Familiekoekies (Foto: Lapa-uitgewers)

Dié koekies is ’n gunsteling onder die hele familie!

Bestanddele

  • 167 g (300 ml) koekmeelblom
  • 5 ml sout
  • 100 g (120 ml) botter
  • 175 g (200 ml) suiker
  • 1 eier
  • 5 ml vanieljegeursel
  • 3 ml koeksoda, opgelos in
  • 25 ml water
  • 50 g (125 ml) pekanneute, gekap
  • 90 g (125 ml) graanvlokkies
  • 75 g (± 125 ml) dadels, gekap
  • 37 g (60 ml) pitlose rosyne

Metode

  1. Voorverhit die oond tot 180 °
  2. Sif die meel en sout saam in ’n mengbak.
  3. Klop die botter en suiker saam tot romerig. Voeg die eier en vanieljegeursel asook die koeksoda en water by.
  4. Roer al die droë bestanddele by en meng goed.
  5. Rol balletjies, plaas dit op ’n gesmeerde bakplaat en druk effe plat met ’n vurk.
  6. Bak vir 8-10 minute en laat afkoel.

Wenk: Die deeg kan vooraf aangemaak word. As die deeg ’n rukkie gestaan het, sal dit meer hanteerbaar wees.

 

Bron: 101 kleinkoekies, Nettie Cilliers

Uitgewer: Lapa-uitgewers

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Buitestandeer ·

Nie familiekoekies nie maar ontbytkoekies.
Ek verkies nog warm ontbyt pap!!!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.