Soorte resepte:

[Resep] Gebakte souskluitjies

Souskluitjies

Gebakte souskluitjies Foto: Lekker & Vinnig

‘n Tradisionele nagereg. (Uit: Eet saam, GKSA)

Lewer 6 porsies

Bestanddele:

Stroop

  • 1,5 ℓ water
  • 300 g (375 ml) suiker
  • 80 ml botter of margarien
  • 10 ml fyn kaneel
  • 5 ml fyn gemmer
  • 3 ml sout
  • 45 ml mielieblom, aangemaak met ʼn bietjie koue water (opsioneel)

Beslag

  • 280 g (500 ml) koekmeel
  • 15 ml bakpoeier
  • 3 ml sout
  • 50 ml botter of margarien
  • 2 eiers, geklits
  • 150 ml melk
  • kaneelsuiker

Metode:

  1. Voorverhit die oond tot 180 °C.
  2. Stroop: Kook die stroopbestanddele saam in ʼn kastrol oor matige hitte. Hou 125 ml stroop eenkant en giet die res in ʼn diep bak met ‘n deksel. Hou warm.
  3. Beslag: Sif die droë bestanddele saam. Vryf die botter of margarien daarin.
  4. Meng die eiers en die melk en voeg dit by die meelmengsel. Maak aan tot ʼn skepbare beslag.
  5. Skep lepelsvol in die warm stroop. Strooi kaneelsuiker oor en bedek die bak.
  6. Bak ± 30 minute en haal uit die oond uit.
  7. Giet die 125 ml stroop wat eenkant gehou is, oor. Plaas onbedek terug in die oond en bak nog 10 minute.

Bron: Lekker en Vinnig – Tradisionele kos
Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.