[Resep] Grondboontjiebotterkaaskoek

Grondboontjiebotterkaaskoek Foto: 50 beste gebak uit Vrouekeur.

Moenie broslekkers te lank vooraf op die kaaskoek sprinkel nie, want dit raak taai wanneer dit met vog in aanraking kom.

Lewer 16 porsies

Bestanddele:

Kors

• 200 g (1 pak Romany Creams)
• 2,5 ml (½ t) fyn kaneel
• 60 ml (4 e) botter, gesmelt

Vulsel

• 750 g (3 x 250 g-bakkies) laevetroomkaas
• 250 ml (1 k) strooisuiker
• 75 ml (5 e) gladde grondboonbotter
• 60 ml (4 e) koekmeel
• 4 ekstragroot eiers
• 125 ml (½ k) melk

Bolaag

• 385 g (1 blik) karamelkondensmelk
• 200 g (1 groot plak) donkersjokolade, gesmelt
• 1 groot grondboonbroslekker, grofgekap

Metode:

1. Stel oond op 180 ˚C.

Kors

1. Kap koekies en kaneel in voedselverwerker fyn. Voeg botter by en meng goed.
2. Druk koekiemengsel op bodem van losboomkoekpan met 24 cm-deursnee vas.

Vulsel

1. Meng roomkaas, strooisuiker en grondboonbotter goed.
2. Sif koekmeel bo-oor roomkaasmengsel en meng goed.
3. Klits eiers en melk goed en meng by roomkaasmengsel.
4. Skep vulsel in tertkors en bak vir 20 minute. Verlaag hitte tot 150 °C (en bak vir nog 45 minute).
5. Skakel oond af, maak oonddeur effens oop en laat kaaskoek vir nog 1 uur in oond staan.

Bolaag

1. Meng kondensmelk en sjokolade.
2. Skep sjokolademengsel bo-op kaaskoek en sprinkel broslekkerstukkies bo-oor.
3. Maak kaaskoek los uit losboomkoekpan en sit in skywe voor.
4. Hou in yskas.

Bron: 50 beste gebak uit Vrouekeur
Uitgewer: Lapa