Soorte resepte:

Resep: Hertzoggies

Hertzoggies Foto: Easy Cooking from Nina's Kitchen

Hertzoggies Foto: Easy Cooking from Nina’s Kitchen

Soetkors
(Maak 8 dosyn doppies)

Bestanddele:
4 k meelblom
250 g margarien
1 k suiker
3 t gelyk bakpoeier
1 e vlapoeier
2 eiers
1 t sout

Metode:
1. Room suiker, botter en eiers.
2. Meng die droë bestanddele met jou hande in die bottermengsel
3. Plaas in plastieksak om klam te bly.

Klappervulsel:
7 k klapper
125 g margarien
2 t vanilla
2 k suiker
8 groot eiers
knippie sout

Metode:
1. Room botter en suiker.
2. Voeg eiers, vanilla en sout by.
3. Laaste die klapper.

Hertzoggies:
1. Gebruik voormelde soetkors. Rol uit tussen plastiek.
2. Gebruik middelslag afdrukkertjie – 6 cm.
3. Plaas in gesmeerde kolwyntjiepanne.
4. Sit ‘n half t appelkooskonfyt in holte van deeg.
5. Sit klappervulsel bo-oor.
6. Die konfyt moet heeltemal toe wees.
7. Bak teen 180°C totdat deeg ligbruin is.

Resep: Joey Pienaar
Dié resep is oorspronklik in Knuppeldik aan koningskos gepubliseer
Uitgewer: Knuppeldik Trust
Om die resepteboek, Knuppeldik aan koningskos, te bestel, kontak Carien Liebenberg by 0833199636

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae