Soorte resepte:

Resep: Jane se vetkoek

Foto: Wenresepte 1

Foto: Wenresepte 1

Mev. Rika Ferreira van Oudtshoorn het dié resep ingestuur. Sit dit voor met botter en gouestroop.

Lewer sowat 24 vetkoeke

Bestanddele:

Gismengsel

  • 7 ml kitsgis
  • 125 ml sterk lou water
  • 15 ml suiker

Vetkoek

  • 500 g (4 x 250 ml gesifte) koekmeelblom
  • 1 ml sout
  • 7 ml bakpoeier
  • 100 g (125 ml) suiker of na smaak
  • sowat 300 ml lou water
  • sonneblomolie

Metode:

Gismengsel

  1. Meng die gis, water en suiker.
  2. Laat die mengsel 15 minute lank in ’n warm plek om te rys.

Vetkoek

  1. Sif die koekmeelblom, sout, bakpoeier en suiker saam.
  2. Voeg die gismengsel by en maak dit met die water aan tot ’n slap deeg.
  3. Bedek en laat 1 uur lank in ’n warm plek rys.
  4. Skep lepels vol in ’n kastrol met diep, warm olie. Bak tot goudbruin aan die een kant (met die kastroldeksel op, want dis glo die geheim, sê Jane).
  5. Draai die vetkoek om, sit die kastroldeksel op en bak aan die ander kant tot goudbruin. Dreineer op kombuispapier.

Bron: Huisgenoot Wenresepte 1 
Uitgewer: Human & Rousseau

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Gerhard ·

Magtig, my mond water al klaar by voorbaat net by die lees van die resep. Kan iemand laat weet of vetkoek ‘n ding eie aan Suid-Afrika is of het ons dit iewers gaan leen. Ek dink dat ons Duitse vriende iets soortgelyk het.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.