Dié banting-resep kom uit Armand Aucamp se resepteboek, Armand kook kaal!
Lewer 1 porsie
Bestanddele
- 1 e klappermeel
- 2 e amandelmeel
- ¼ t bakpoeier
- varsgemaalde sout en peper
- 1 eier
- 1 e room
- 1 e botter, gesmelt
- ½ fetawiel
- ¼ k mozzarella
- 1 t oreganum
Metode
- Sif al die droë bestanddele in ’n mengbak en roer met ’n houtlepel.
- Klits die eier, gesmelte botter en room in ’n bakkie en voeg by die droë bestanddele. Roer deeglik deur met ’n houtlepel. Voeg laastens die mozzarella en feta by die mengsel en roer.
- Gooi die mengsel in ’n groot koffiebeker of klein bakkie en sit dit vir 1 minuut op hoog in ’n mikrogolfoond.
Bron: Armand kook kaal deur Armand Aucamp
Uitgewer: Lapa