Soorte resepte:

Resep: Karamel-en-klapperskywe

Karamel-en-klapperskywe (Foto: Lapa-uitgewers)

Heerlike koekies vir die naweek.

Bestanddele

  • 70 g (125 ml) koekmeelblom
  • 70 g (125 ml) bruismeel
  • 45 g (125 ml) klapper
  • 110 g (125 ml) strooisuiker
  • 100 g (115 ml) botter, gesmelt

KARAMELVULSEL

  • 1 blik (397 g) gekondenseerde melk
  • 30 ml gouestroop
  • 60 ml bruinsuiker
  • 60 g (70 ml) botter, gesmelt

KLAPPERBOLAAG

  • 4 eiers, geklits
  • 140 g (160 ml) strooisuiker
  • 360 g (4 x 250 ml) klapper

Metode

  1. Voorverhit die oond tot 180 °C en smeer ʼn 25 x 30 cm-rolkoekpan.
  2. Sif die meel en bruismeel saam. Roer die klapper, suiker en botter by en meng goed.
  3. Druk dit goed vas in die voorbereide pan en bak vir ongeveer 12 minute of tot effens verbruin. Laat afkoel.

KARAMELVULSEL

  1. Meng die vulselbestanddele saam en smeer dit oor die kors.

KLAPPERBOLAAG

  1. Meng die bolaagbestanddele saam en skep dit bo-oor.
  2. Bak weer vir 25 minute of tot die bolaag liggies bruin is. Laat dit in die pan afkoel.
  3. Sny in skywe of blokkies.

Bron: 101 Kleinkoekie

Uitgewers: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.