Soorte resepte:

[Resep] Kersie-en-klapper-happies

Foto: 50 Beste gebak  uit Vrouekeur.

Kersie-en-klapper-happies. Foto: 50 Beste gebak uit Vrouekeur.

Na môre se braai, wanneer die kos afgesak het, gaan mens mos lus wees vir ietsie soets…

Lewer ongeveer 24 happies

Bestanddele:

Kors

  • 75 ml (5 e) sagte botter
  • 125 ml ( ½ k) strooisuiker
  • 1 ekstragroot eier
  • 312 ml (1 ¼  k) koekmeel
  • 60 ml (4 e) kakao
  • 125 ml ( ½ k) klapper

Vulsel

  • 250 ml (1 k) morellokersiekonfyt
  • 24 heel rooi glanskersies

Bolaag

  • 1 ekstragroot eier
  • 125 ml ( ½ k strooisuiker
  • 437 ml (1 ¾  k) klapper

Metode:

Stel oond op 180°C.

Kors

  1. Room botter en strooisuiker tot liggeel.
  2. Klits eier by tot goed gemeng.
  3. Sif koekmeel en kakao. Roer klapper by.
  4. Skep meelmengsel by bottermengsel en roer tot goed gemeng. Gebruik jou hande as die mengsel te styf raak.
  5. Spuit klein muffinpannetjies met kossproei. Skep groot teelepels vol van die deeg in elke holte.
  6. Druk deeg teen die bodem en kante van elke holte vas.
  7. Bak vir 10 minute tot gaar.
  8. Verwyder uit die oond en laat 10 minute eenkant om af te koel.

Vulsel

  1. Verdeel konfyt tussen elke holte, ongeveer 2,5 ml ( ½ t) per holte en sit ʼn kersie bo-op.

Bolaag

  1. Klits die eier. Voeg strooisuiker by en klits weer. Roer klapper by tot goed gemeng.
  2. Skep ongeveer 5 ml (1 t) van klappermengsel bo-op elke happie.
  3. Bak vir 10 minute of tot goudbruin bo-op.
  4. Laat die happies in die pannetjie afkoel. Skep versigtig uit en bedien.

Bron: 50 beste gebak uit Vrouekeur
Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae