Soorte resepte:

Resep-video: Klapperklontjies

Klapperklontjies (Foto: Maroela Media/Janie du Plessis)

Hierdie variasie op makrolletjies (macaroons) is gesond en baie maklik. Geen suiker – slegs heuning, en net gesonde vette. Donkersjokolade maak dit ʼn moet-beproef-nagereghappie.

Bestanddele

  • 3 eierwitte, geklits
  • 1 doppie vanieljegeursel
  • 2 e heuning
  • 3 k klapper
  • donkersjokolade, gesmelt

Metode

  1. Voorverhit oond tot 180 °C.
  2. Klits eierwitte tot sagtepuntstadium.
  3. Gooi vanieljegeursel en heuning by eierwitte en klits weer.
  4. Gooi klapper in bak en vou eierwitte daarby in.
  5. Gebruik jou hande om klontjies te vorm.
  6. Bak vir 20 minute en giet dan gesmelte donkersjokolade oor.

Resep: Janie Monsieur

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak, Resep-video's, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Cherokee ·

Enigiets met klapper is lekker – dit is waarom ek daarna kyk. Klapper en karamel is lekker op enige manier. Miskien kan die sjokolade gevarieer word met karamel.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.