Soorte resepte:

[Resep] Koeksisters met warm gemmerstroop

koeksisters

Koeksisters met warm gemmerstroop Foto: Woestynkombuis

Lewer 16 tot 18 koeksisters

Bestanddele:

Stroop

  • 8 k suiker
  • 4 kwater
  • 3½ e gouestroop
  • 3 stukkies heel gemmer
  • 1½ t kremetart
  • ½ t wynsteensuur

Deeg

  • 5 k koekmeel
  • 2 e bakpoeier
  • ʼn knippie sout
  • 4 e botter
  • 2 k karringmelk
  • 4 k kookolie om koeksisters in te braai
  • Mielieblom

Metode:

Stroop

  1. Verhit al die bestanddele vir die stroop totdat die suiker opgelos is.
  2. Sit die deksel op en laat vir 1 minuut kook.
  3. Haal die deksel af en kook vir nog 5 minute. Moenie roer nie.
  4. Verwyder van die stoof en laat afkoel tot heeltemal koud.

Deeg

  1. Sif die mee!, bakpoeier en sout saam. Vryf die botter in.
  2. Voeg die karringmelk by die mengsel en knie goed totdat dit klein blasies vorm (vir sowat 20 minute).
  3. Bedek vir 15 tot 20 minute met ʼn klam doek.
  4. Strooi die mielieblom op ʼn werksoppervlak. Rol die deeg sowat 5 mm dik uit en sny dit in reghoeke van 5 x 8 cm.
  5. Sny elke reghoek in die lengte in drie vingers, maar nie regdeur nie.
  6. Vou die beentjies twee maal oormekaar. Knyp stewig vas aan die oop kante.
  7. Verhit die olie en toets met ʼn stukkie afvaldeeg.
  8. Laat sak die koeksisters in die warm olie en diepbraai aan albei kante tot goudbruin.
  9. Plaas op kombuispapier vir ʼn paar sekondes om van die olie ontslae te raak en doop dadelik in die yskoue stroop, sodat dit kan intrek.
  10. Plaas die koeksisters op ʼn afkoelrak bo-op ʼn bakplaat.

Bron: Woestynkombuis 
Uitgewer: Fox and Raven Home

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

wilma ·

Daar is baie resepte hoe om dit te maak watter is die lekkerste vra maar net

Sarie ·

Die gemmerstroop het seker ‘n sterk gemmersmaak & is branderig; vandaar die naam: “Warm gemmerstroop!”

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.