Soorte resepte:

Resep: Ma Henna se lui-huisvrou-beskuit

200_beskuit_en_biscotti_resepteOngeveer 90 stukke beskuit

Bestanddele:
2,5 kg (± 18 x 250 ml) volkoringmeel
100 ml bakpoeier
10 ml sout
1 kg margarien of botter
170 g (750 ml) Bokomo Right Start Fibre Plus/All-Bran High Fibre
1 l karringmelk
3 eiers
700 g (875 ml) bruinsuiker

Metode:
1. Voorverhit die oond tot 180°C en smeer vyf broodpanne van 280 x 100 x 70mm goed.
2. Meet die volkoringmeel, bakpoeier en sout in ‘n mengbak af.
3. Vryf die margarien of botter daarin totdat dit soos fyn krummels lyk.
4. Week die graanvlokkies in die karringmelk tot goed uitgeswel en sag.
5. Klits die eiers en suiker goed saam en roer dit tesame met die karringmelkmengsel by die meelmengsel. Meng dit tot ‘n deeg.
6. Vorm gholfbalgrootte bolletjies en plaas dit teen mekaar in die panne.
7. Bak dit 45 minute tot 1 uur of tot gaar. Laat effens afkoel in die panne en keer dit uit op ‘n draadrakkie om heeltemal af te koel.
8. Breek die bolletjies los van mekaar en plaas dit effens uitmekaar op ongesmeerde bakplate. Droog uit by 100°C.

Resep oorspronklik gepubliseer in 200 Beskuit & Biscotti-resepte deur Nettie Cilliers
Uitgewer: LAPA uitgewers
Prys: R200-00*
*prys onderhewig aan verandering

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.