Soorte resepte:

[Resep] Muesli-en-karringmelkbeskuit

Foto: Lekker en Vinnig

Muesli-en-karringmelkbeskuit . Foto: Lekker en Vinnig

Daar is min dinge so lekker soos koffie en beskuit vroeg in die oggend.

Lewer 48 porsies

Bestanddele:

  • 500 g bruismeel
  • 500 g muesli (granola-tipe)
  • 100 g All-Bran Hi-Fibre
  • 100 g (125 ml) sagte bruinsuiker
  • 2,5 ml sout
  • 15 ml bakpoeier
  • 70 g (100 ml) Iynsaad
  • 100 ml sonneblom- of makadamianeutolie
  • 2 groot eiers, geklits
  • 500 g laevet-karringmelk
  • 5 ml vanieljegeursel
  • 2 medium (200 g) suur appels (Granny Smith of Pink lady)

Metode:

  1. Voorverhit die oond tot 180 °C.
  2. Meng die bruismeel, muesli, All-Bran, bruinsuiker, sout, bakpoeier en Iynsaad in ʼn groot mengbak.
  3. Klits die olie, eiers, karringmelk en vanieljegeursel saam.
  4. SkiI en rasper die appels en roer dit by die melkmengsel.
  5. Voeg die melkmengsel by die droë bestanddele en meng dit tot ʼn klewerige deeg.
  6. Skep dit in ʼn gesmeerde oondpan en bak dit vir 45 minute.
  7. Laat die beskuit in die pan afkoel en sny dit dan in 48 stukkies.
  8. Droog dit oornag of vir 8 uur by 80 °C uit.

Vervang die Iynsaad met sesam- of sonneblomsaad of amandels vir ʼn bietjie variasie.

Bron: Lekker en Vinnig – Beskuit
Uitgewer: Lapa
Resep oorspronklik gepubliseer in Min moeite, Hilda Lategan.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae