Soorte resepte:

Resep: Pampoen-en-piesangpoffertjies sonder eier

Ouma Antjie (Annetjie Lombaard) van Emalahleni se pampoenpoffertjies is altyd ʼn wenner op die feestyd-spyskaart. Groot was haar kleinseun, Josua (8), se teleurstelling toe hy vanjaar besef hy kan nie saam smul nie, omdat hy allergies is vir die eier in die poffertjies.

Soos dit ʼn ervare ouma betaam, het ouma Antjie blitsig ʼn plan beraam en haar resep aangepas om eiervry te wees. Die piesangs wat sy in die plek daarvan gebruik het, gee boonop ʼn lekker soet smakie aan die pampoenpoffers.

Bestanddele – pampoenpoffertjies:

750 ml gaar fyn pampoen
2 piesangs, fyngedruk
500 ml bruismeel
15 ml bakpoeier
5 ml sout

Bestanddele – sous:

500 ml suiker
250 ml water
125 ml melk
60 ml botter
10 ml mielieblom, aangemaak met melk

Metode:

Meng al die bestanddele. Braai lepelsvol in olie tot goudbruin. Dreineer op kombuispapier en pak die poffers in ʼn glasbak.

Kook al die stroopbestanddele saam tot die suiker opgelos is. Gooi dit oor die gaar poffertjies.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse, Gebak

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae