Soorte resepte:

[Resep] Rabarber-poeding

Martie se Rabarber-poeding (Foto: Verskaf)

Maroela Media-leser Martie Saaiman het hierdie resep by iemand op die dorp waar sy woon gekry.

“Die resep was so rofweg geskryf, maar ek het toe besluit om dit te probeer nadat ek ook eers opgelees het oor hoe om rabarber skoon te maak. Die blare moet nie gebruik word nie, maar net die stengels waarvan die velletjies ook eers afgetrek moet word,’ het sy gesê. “Dit het perfek uitgekom, en ek sal aanbeveel dat jy dit probeer as jy rabarber in die hande kan kry.”

Bestanddele:

  • 3 k rou rabarberstengels, skoongemaak en opgesny
  • 3 eiers
  • 3 k suiker
  • 3 k melk
  • 1 k koekmeel
  • 2 t bakpoeier
  • 50 g botter, gesmelt
  • ½ t sout
  • 1 t vanieljegeursel

Metode:

  1. Klits die eiers, suiker en melk saam tot romerig.
  2. Voeg die botter by en meng.
  3. Voeg die meel, sout en bakpoeier by en klits goed.
  4. Voeg laastens die opgesnyde rabarber by en meng liggies.
  5. Gooi mengsel in 2 glasbakke en bak teen 180 °C vir ongeveer 1 uur.
  6. Bedien saam met room of vla.

Stuur vir ons jóú familieresep hier.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Miekie ·

oe, nou verlang ek erg na my kinderdae. Waar kry mens deesdae rababer ? my mond water nou

Louis ·

Hi Miekie, ons het dit by die kwekery gekoop en geplant, groei lekker welig

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.