Soorte resepte:

Resep: Rina se tamboesies

Rina se tamboesies (Foto: Lapa Uitgewer)

Genoeg vir 6 dosyn.

Bestanddele

SUURROOM-TERTDEEG

  • 560 g (4 x 250 ml) koekmeelblom
  • 2 t (10 ml) kremetart
  • 1 t (5 ml) sout
  • 500 g Clover Farmstyle-botter
  • 500 ml Clover-suurroom

VULSEL

  • 1 liter Clover-volroommelk
  • ½ k (125 ml; 65 g) vlapoeier
  • 70 g (125 ml) koekmeelblom
  • 100 g (125 ml) suiker

VERSIERSEL

  • 65 g (125 ml) versiersuiker
  • 1 t (5 ml) suurlemoensap
  • Kookwater

 

Metode

TERTDEEG

  1. Sif die droë bestanddele saam. Vryf die botter in met vingerpunte tot mengsel soos broodkrummels lyk. Voeg die suurroom by en meng.
  2. Rol uit op ’n meelbestrooide oppervlak en vou in drie dele. Vou dubbel, bedek met kleefplastiek en plaas oornag in yskas.
  3. Rol uit, nie te dun nie, sny in vierkante van 5 x 5 cm. Plaas op gesmeerde bakplaat en bak in voorverhitte oond by 200 °C vir ongeveer 10 minute.

VULSEL

  1. Meng 1 k (250 ml) melk met die res van die vulselbestanddele tot glad. Kook die oorblywende melk. Sodra dit gekook het, voeg die res van die melkmengsel by en roer oor lae hitte tot gaar. Verwyder en laat goed koud word.
  2. Sny die afgekoelde tamboesies in die dwarste middeldeur, plaas vulsel in ’n versiersak en spuit vulsel op die onderste laag deeg. Plaas die ander helfte bo-op.
  3. Meng versiersuiker, suurlemoensap en genoeg kookwater tot net loperig en skep lepelsvol op elke tamboesie.

 

Bron: Teepartytjie

Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Tollies ·

genoeg vir 6 dosyn mense dan is die bestandele te min dit moet net met 4 verdubbel word
of meer

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.