Soorte resepte:

[Resep] Roombroodbolletjies

Foto: Kook saam Kaaps

Foto: Kook saam Kaaps

Bedien warm saam met botter of selfs nóg kaas!

Maak: 8 porsies

Bestanddele:

  • 1 kg klaargemaakte brooddeeg
  • 1 pakkie Potato Bake (ʼn geur van jou keuse)
  • 375 ml melk
  • 250 ml room
  • 1 knoffelhuisie, fyngekap
  • 250 g Cheddarkaas, gerasper

Metode:

Verhit oond tot 180ᵒ C en smeer ʼn oondpan.

  1. Vorm bolletjies met die brooddeeg en hou eenkant.
  2. Meng die melk, room en fyngekapte knoffel.
  3. Meng die Potato Bake met die melkmengsel en giet die helfte van die mengsel in die voorbereide oondpan.
  4. Pak die deegbolletjies in die oondpan en giet die oorblywende melkmengsel oor.
  5. Strooi die gerasperde kaas oor en laat dit ongeveer 30 minute rus sodat die deeg kan rys.
  6. Bak vir ongeveer 45 minute tot gaar.

Bron: Kook saam Kaaps
Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Mo ·

Dit lyk baie ryk and n baie lekker! Dalk nie goed vir die middellyf nie maar beslis vir die siel, veral nou in die winter.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.